الأربعاء، 21 نوفمبر، 2012

معركة اللا وعي و سيناريو الفوضى المفتعلة في محمد محمود


الداخلية وزارة بلطجية ومش هتتطهر إلا بمحاكمات , والمحاكمات وحق الشهداء مش هيتم لما النائم العام عبمجيد محمود الحامي الأول للفلول والبلطجية يغور .. وعبمجيد مدعوم من السياسيين صباحي والبرادعي وغيرهم من النخبة الزبالة بتاعتك .. 

يبقى ايه مشكلتك مع مرسي ؟ 
وليه نازل تهتف ضد مرسي والإخوان دلوقتي بدل ما تهتف ضد نخبتك اللي بتتساق وراهم وتنادي بحق الشهداء فقط ؟ 
ليه عندك زهايمر وفاكر ان الإخوان لوحدهم اللي باعوك في محمد محمود من سنة فاتت رغم أن كل الأحزاب السياسية والكيانات المنظمة والنخبة برضه وقتها ماحدش أعلن نزوله وسابوك تموت لوحدك ؟ 
ليه نازل تبدأ بالإشتباك مع الداخلية وتعمل دم وفوضى جديدة ؟ 
ليه بتحاول تحرق مقر مجلس الوزراء ومجلس الشورى - أو بمعني أصح - ليه بتتساق زي الأعمى ورا ناس مدفوع أجرهم مقدماً عشان يعملوا كدة ؟
ليه نازل تحرق مكتب قناة الجزيرة اللي طول عمرها بتساند ثورتنا ؟ 
ليه بتنزل تتفرج على شوية بلطجية ومخربين بيشتبكوا مع الداخلية وتتصاب معاهم وممكن تموت وماترجعش ؟

بقولها لكل العابثين دلوقتي في ميدان التحرير ومحمد محمود وأنا لم أتخلى يوماً عن الثورة وعن الميدان .. أنتم خذلتم ثورتنا وشهدائنا وأصبحتم مثالاً للهمجية والبلطجة , الثورة والثوار بريئون منكم .. عودوا من حيث أتيتم فلا أنتم ثوار ولا قتلاكم شهداء ونحن بريئون منكم ومن بلطجيتكم ومن عبثكم. 

اللي بيحصل دلوقتي هو أسوأ تشوية لصورة شارع محمد محمود رمز الثورة والحرية والتضحية 

اللي بيحصل دلوقتي إهانة لكل الشهداء اللي ماتوا في محمد محمود وللي فقدوا عيونهم وأغلى ما عندهم فيه

اللي بيحصل دلوقتي بلطجة على الثورة والثورة بريئة منها وياريت ماحدش ينزل يتفرج ويشتبك ويخلي شوية بلطجية يقودوه للإشتباك مع الداخلية بدون هدف وبدون سبب وبدون مطالب للثورة



رجاءاً منكم ماحدش أبداً ينزل محمد محمود و التحرير في معركة اللا وعي اللي بتحصل دلوقتي, ولو تعرفوا حد قريب منكم نازل يزيط ولا يتفرج على الصيع وهما بيشتبكوا مع الداخلية تقولوا له ماينزلش عشان ممكن مايرجعش تاني.

هناك 4 تعليقات:

  1. شركة المثالية للتنظيف تسعد بتقديم خدماتها لعملائها بالمنطقة الشرقية خدمات تنظيف خدمات مكافحة حشرات خدمات تسليك مجاري المياه للمطابخ والحمامات جميع الخدمات المنزلية تجدونها مع شركة المثالية للتنظيف بافضل جودة وارخص الاسعار بالاعتماد علي كافة الادوات الحديثة والعمالة الماهرة

    شركة المثالية للتنظيف
    شركة المثالية للتنظيف بالدمام
    شركة المثالية للتنظيف بالخبر

    شركة المثالية للتنظيف
    شركة المثالية للتنظيف بالاحساء
    شركة المثالية للتنظيف بالجبيل

    ردحذف